• ஒவ்வொரு கிராம சேவகர் பிரிவையும் உள்ளடக்கும் வகையில் பகல்நேர பராமரிப்பு நிலையங்களை தொடங்க அரசாங்கம் தொழில்முனைவோரை ஊக்குவிக்கும், மேலும் தேவையான நிதி ஊக்குவிப்புகளையும் வழங்கும். அரசு மற்றும் தனியார் நிறுவனங்களில் பொருத்தமான பகல்நேர பராமரிப்பு நிலையங்களை அமைக்கவும், இந்த பகல்நேர பராமரிப்பு நிலையங்களை ஒழுங்குபடுத்த தேவையான அனைத்து ஆதரவையும் வழங்கவும் அரசாங்கம் நடவடிக்கை எடுக்கும்.
• பணியாளர்களிடையே அதிக பெண்கள் பங்கேற்புக்கு தேவையான ஊக்குவிப்புகளை வழங்கி மகப்பேறு விடுமுறை செலவை அரசாங்கம் ஏற்கும்.
• பாராளுமன்றம், மாகாண சபைகள் மற்றும் உள்ளூராட்சி நிறுவனங்களில் குறைந்தபட்சம் 25% பெண்களின் பிரதிநிதித்துவத்தை உறுதிப்படுத்த தேவையான சட்ட சீர்திருத்தங்கள் மேற்கொள்ளப்படும்.
• பாலின சமத்துவம், பெண்களைப் வலுப்படுத்தல், சிறுவர் பாதுகாப்பு மற்றும் உடல் மற்றும் மன நலனை உறுதிப்படுத்துவதற்காக ஜனாதிபதி செயலணியொன்று 03 மாதங்களுக்குள் நிறுவப்படும்.
• பெண்கள் மற்றும் குழந்தைகளின் உரிமைகளைப் பாதுகாப்பதற்காக தற்போது இயற்றப்பட்டுள்ள சட்டங்களை முழுமையாக அமுல்படுத்துவதற்குத் தேவையான பரிந்துரைகளைப் பெற நிபுணர் குழு நியமிக்கப்பட்டு, அந்த பரிந்துரைகள் ஓராண்டுக்குள் நடைமுறைப்படுத்தப்படும்.
• ஒவ்வொரு பொலிஸ்  நிலையத்திலும் மகளிர் மற்றும் சிறுவர் பணியகம் 24 மணி நேரமும் திறந்து வைக்கப்பட்டு செயற்படுத்தப்படும்.
• பெண்களை முதன்மையாகக் கொண்ட குடும்பங்களை பலப்படுத்துவதற்கான மாற்று வேலைத்திட்டங்கள் நடைமுறைப்படுத்தப்படும் .இதன்மூலம் பெண்கள் மற்றும் அவர்களின் பிள்ளைகள் பாதுகாப்புடனும் போசாக்குமிக்கதுமான சூழலில் வாழ்வதற்கான உத்தரவாதத்துக்கு முழுமையான ஒத்துழைப்பும் பாதுகாப்பும் வழங்கப்படும்.
• நுண்நிதி நிறுவனங்களின் ஒழுங்குமுறை வலுப்படுத்தப்படும். அங்கீகரிக்கப்படாத நுண்நிதி வணிகங்கள் மூடப்படும், மேலும் பொறுப்பானவர்களுக்கு எதிரான தண்டனை நடவடிக்கைகள் துரிதப்படுத்தப்படும். நுண்கடன் வழங்குநர்களால் பாதிக்கப்பட்ட மற்றும் துன்புறுத்தப்பட்ட பெண்களைப் பாதுகாக்க விசேட தலையீடு மேற்கொள்ளப்படும்.
• ஊழியர் சேமலாப நிதி/ஊழியர் நம்பிக்கை பொறுப்பு நிதி மூலம் சான்றளிக்கப்பட்டபடி 50%க்கும் அதிகமான பெண்களை வேலைக்கு அமர்த்தும் தெரிவு செய்யப்பட்ட  பிரிவுகளில் நிறுவனங்களுக்கு வரிச் சலுகைகள் வழங்கப்படும்.

Download Women and Children Empowerment Charter