நுகர்வோருக்கு நியாயமான மற்றும் போட்டி விலைகளில் மின்சாரம் வழங்குவதை உறுதிசெய்ய மின்சாரத் துறையில் ஊழல் மற்றும் திறமையின்மையை அகற்றத் தேவையான சட்டத் திருத்தங்கள் மற்றும் நிர்வாக மாற்றங்கள் மேற்கொள்ளப்படும்.
மின்சாரம், பெற்றோலியம் மற்றும் எரிவாயு துறைகளில் உள்நாட்டு மற்றும் வெளிநாட்டு முதலீடுகள் ஊக்குவிக்கப்படும்இ மேலும் முற்றிலும் ஊழலற்ற மற்றும் திறமையான மின்சார கொள்முதலுக்கான உலகத் தரத்திற்கு ஏற்ற நடைமுறைத் திட்டம் அறிமுகப்படுத்தப்படும்.
ஏற்கனவே தேசிய மின்சார முறைமைக்கு 1,300 மெகாவாட்டைச் சேர்த்துள்ள "சூரிய சக்தி போர்" (Battle for Solar Energy) திட்டம் மேலும் ஊக்குவிக்கப்படும். சலுகை வட்டி விகிதத்தில் "சூரிய மின் நிலையங்களை" அமைக்க வீட்டு உரிமையாளர்கள் மற்றும் தொழிலதிபர்கள் ஊக்குவிக்கப்படுவார்கள். 5 ஆண்டுகளில் ஒரு மில்லியன் வீடுகளை சூரிய சக்தியால் வலுப்படுத்துவதே இதன் நோக்கமாகும்.
1,200 மெகாவாட் கடலோர காற்றாலை மின் திட்டத்திற்கு (Off-shore) முன்னுரிமை அளிக்கப்படும் மற்றும் நாட்டில் கரையோர காற்றாலை மற்றும் சூரிய சக்தி மின்சாரத்தை மேம்படுத்த வெளிப்படையான போட்டி முறைகள் அறிமுகப்படுத்தப்படும். இது உள்நாட்டு மற்றும் வெளிநாட்டு முதலீட்டாளர்களை ஊக்குவிக்கும் என எதிர்பார்க்கப்படுகிறது.
இலங்கையின் மின்சார முறைமை 05 வருடங்களுக்குள் Smart Grid ஆக மாற்றப்படும்.
தற்போதுள்ள அனல் மின் நிலையங்கள் 02 ஆண்டுகளுக்குள் எல்என்ஜியில் இயங்கும் வகையில் மேம்படுத்தப்படும் மற்றும் உள்நாட்டு வலுசக்தித் தேவைகளுக்கு என்ஜிஇ எல்என்ஜி மற்றும் சிஎன்ஜியைப் பயன்படுத்த தேவையான உட்கட்டமைப்பு வசதிகள் அரச மற்றும் தனியார் தலையீடு மூலம் வழங்கப்படும்.
காற்றாலை மற்றும் சூரிய சக்தி மின்சாரத்துறை உட்பட புத்துயிர்ப்பு வலுசக்திக்குத் தேவையான இயந்திர பொறிமுறைகளை உற்பத்தி செய்வதற்கும் பராமரிப்பதற்கும் தேவையான வசதிகளை நாட்டில் உருவாக்க தேவையான நடவடிக்கைகள் அரச மற்றும் தனியார் துறைகளின் தலையீட்டின் மூலம் மேற்கொள்ளப்படும்.
2024 ஆம் ஆண்டின் 36 ஆம் இலக்க மின்சாரச் சட்டத்தில் உள்ளடக்கப்பட்டுள்ள மின்சார ஊழியர்களின் உரிமைகளுக்கு எதிரான மற்றும் நுகர்வோர் உரிமைகளுக்கு எதிரான விதிகளை நீக்கி வினைத்திறன் வாய்ந்த ஸ்மார்ட் மின்சார அமைப்பை நாட்டில் கட்டியெழுப்ப முன்னுரிமை அளிக்கப்படும்.
இலங்கையின் நிலையான வலுசக்தி திறனைக் கருத்தில் கொண்டு, உள்நாட்டு தேவைகளை தாண்டி ஏற்றுமதி செய்வதற்கான சாதகமான வாய்ப்பு உள்ளது. பசுமை ஐதரசன் உற்பத்தியில் ஈடுபட்டு அதற்கான நேரடி வெளிநாட்டு முதலீடுகளை வரவேற்கிறௌம்.
பிராந்திய வலுசக்தி இணைப்பு திட்டங்களைப் பின்பற்றுவோம்.
இந்த அத்தியாயம் வலுவான பொருளாதாரத்தைக் கட்டியெழுப்புதல்
இலங்கையின் எதிர்காலம் குறித்த நம்பிக்கை நிறைந்த தன்னார்வலர்களால் வடிவமைக்கப்பட்டது. பின்வரும் தகவல்கள் சஜித் பிரேமதாச ஜனாதிபதித் தேர்தல் பிரச்சாரம் 2024 தொடர்பான பொதுவான தகவல் நோக்கங்களுக்காக மட்டுமே.
